Kontari taldeak urriaren 24an Kantabriako abesbatza-hitzordu beteranoenetako batean parte hartuko du. Polancon eskainiko duten kontzertuan, Kontariko gazteek taldearen ezaugarri diren emozioa, freskotasuna eta naturaltasuna eramango dituzte oholtzara.
Kontzertua Polancoko San Pedro Advíncula elizan izango da, zikloaren ohiko agertokian eta bertako, estatuko zein nazioarteko abesbatzen topagunean. Hiru hamarkadatik gorako ibilbidearekin, Polancoko Nazioarteko Abesbatza Zikloa erreferentziazko hitzordu bihurtu da..
Kontarirentzat, gainera, Euskal Herritik kanpo musika korala ulertzeko eta bizitzeko duen modu berezia erakusteko beste aukera bat izango da. Urteekin, musika egiteko modu hori taldearen nortasunaren parte bihurtu da: naturaltasuna, energia eta publikoarekin zuzenean konektatzeko gaitasuna dira Kontariren bereizgarrietako batzuk.
Polancok, beraz, bizitasunez betetako proposamena jasoko du. Kontarik musikaren bidez kantatzeko eta istorioak kontatzeko duen modu berezia eramango du Kantabriara, bere izaera eta eszenatokian erakusten duen freskotasuna lagun.
