Landarbaso Abesbatzak asteburu berezia bizi izan zuen Borjan (Zaragoza). Urriaren 24an eta 25ean, abesbatzak Ciudad de Borja Nazioarteko Koru Kantuaren XLV. Jardunaldietan parte hartu zuen, abesbatzen munduko formazio eta profesionalak biltzen dituen ibilbide luzeko hitzordua.
Topaketa oso aberasgarria izan zen abesbatzarentzat, nazioarteko koru-zuzendaritzako izen nabarmenetako batekin, Juris Cābulisekin, lan egiteko aukera izan baitzuen. Letoniar musikariak, 2024an bere herrialdean Urteko Zuzendari bezala aitortua, ikastaro-tailer bat eman zuen, non Landarbasok koru-pilotu bezala parte hartu zuen.
Saioetan zehar, abeslariek eta etorkizuneko zuzendariek, musika ulertzeko duten modua gertutik ezagutu ahal izan zuten, interpretazioaren hainbat alderdi landu zituzten eta nazioartean ibilbide garrantzitsua izan duen zuzendari baten esperientziatik ikasi zuten. Arrastoa uzten duten eta musikan beti zerbait berria deskubritzeko dagoela gogorarazten duten aukera horietako bat.
