ABESBATZA

Landarbaso
Abesbatza

Ezagutu gure ibilbidea, gure Abesbatza osatzen duten ahotsak eta zuzendaritza artistikoa.

NAZIOARTEKO ERREFERENTZIAZKO ABESBATZA

Landarbaso Abesbatza 1991n sortu zen, gazteen artean abesbatza-musika sustatzeko helburua zuen abesbatza talde gisa. Gaur egun, elkartea lau taldek osatzen dute, guztira 170 kide ingururekin: MusikART (6 eta 8 urte bitartekoak), Kontari (8 eta 15 urte bitartekoak), Landarbasoko Dizdizka (16 eta 25 urte bitartekoak) eta Landarbaso Abesbatza (18 eta 28 urte bitartekoak).

Landarbasoren kalitateak, originaltasunak eta sariek oihartzun handia izan dute abesbatzak garatutako proiektuetan. Estatuko eta nazioarteko jaialdi nagusietan izan duen ohiko parte-hartzeari esker, Landarbaso erreferentziazko abesbatza bihurtu da.

ZUZENDARITZA

Iñaki Tolaretxipi da zuzendaritza artistikoaren arduraduna elkartea sortu zenetik. Ingeniaritzan doktorea eta EHUko irakasle titularra da. Musika-irakasle titulua du Donostiako Goi Mailako Musika Kontserbatorioan.

Talde teknikoa honako hauek osatzen dute: Maddalen Dorronsoro, kantu-irakaslea eta prestakuntza-taldeen arduraduna —MusikART, Kontari eta Dizdizka—; Eneko Irastorza, ekoizpen lanetan aritzen dena; eta Miren Gabirondo eta Esther Barandiaran pianistak.

Nazioarteko 24 sari eskuratu ditu; horien artean, 2023an lortutako Asiako Grand Prix saria nabarmentzen da.

Gehiago jakin nahi duzu?

DATU INTERESGARRI BATZUK

  • Nazioarteko 24 sari ditu, eta 600 emanaldi baino gehiago eskaini ditu.
  • 12 CDtan parte hartu edota haien ekoizpenean jardun du.
  • Urteko ekoizpenak 50 kontzertu baino gehiago hartzen ditu barne.
  • 30 konpositore desberdinen 70 obra baino gehiagoren erabateko estreinaldiak egin ditu.
  • Nazioarteko jarduera Europan garatzen du nagusiki, eta bertako 10 herrialde baino gehiagotan aritu da. Horrez gain, beste bi kontinentetan ere eskaini ditu emanaldiak: Amerikan —AEBetan— eta Asian —Txinan, Japonian eta Indonesian—.
  • Prestakuntzaren, sentsibilizazioaren, gizarteratzearen eta elkartasunezko lankidetzen arloan egiten duen lanak 1.500 pertsonarengana iristen da urtero.
Curriculuma deskargatu
Scroll to Top